Дваесет и девет учесници од ромските организации Баирска светлина и Биосфера од Битола, Рома прогрес-РРМЦ од Виница, Сумнал, ЛИЛ, ИДЕА, Филео, Амбрела и Романо Ило од Скопје, како и Младински клуб, ХКУЗЖА “Романи Асвин“ и Хуманитарното здружение на млади Роми од Штип на 30 и 31 јули 2013 година во Скопје учествуваа на Работилница за подготовка на предлог проекти кои ќе бидат поднесени до различни донатори во  Република Македонија.

На 13 јуни 2013 година во Скопје се одржа презентација на студијата „ Искористување на ИПА фондовите за ромските заедници во Македонија“ што беше направена во рамките на иницијативата „Да се направи максимум со фондовите на ЕУ за Ромите“.

Александар Кржаловски, прв извршен директор на МЦМС и автор на истражувањето, ги презентираше главните наоди и заклучоци. Според истражувањето, доделени се два проекти (на странски организации/компании, за обезбедување услуги) со вкупна вредност од 628,623 €, што е само 1.5% од таа компонента ИПА 1 2008 компонента (и 26% од поткомпонентата за Демократија и основни права за таа година) или само 0.4% од вкупните ИПА средства договорени до крајот на 2011.

Програмата на OSI (Open Society Foundations) – Да се направи максимум со фондовите на ЕУ за Ромите (МtМ) ги повикува Ромските граѓански организации да поднесат предлог проекти за организациски развој (за теми поврзани со ЕУ пристапниот процес). Иницијативата, како дел од пошироката МtМ програма приоритет им дава на земјите од Југоисточна Европа, адресирајќи ги тешкотиите на сите клучни актери во поврзување на целите за вклучување на Декадата на Ромите кон можностите за финансирање од Европската Унија, преку надополнување на инструментите на ЕУ и националните политики на земјите вклучени во Декадата. Овој пакет на мали грантови обезбедува процес на учење, како развојна потреба на Ромските организации кои имаат за цел да го унапредат своето учество во сите фази на ЕУ интегративниот процес.

Повикот ќе го најдете на:
http://www.opensocietyfoundations.org/grants/small-grants-scheme-organizational-development-eu-accession-issues

 Рок за пријавување:
8 јуни 2013

На 18 април 2013 година во Осијек, Хрватска се одржа регионален состанок на партнерите на ПРФ (Пристап на Ромите до фондови), за дефинирање на нови среднорочни стратешки насоки на иницијативата „Да се направи максимум со фондовите од ЕУ за Ромите (МтМ)“. На состанокот присуствуваа претставници на националните спроведувачки организации од Македонија, Црна Гора, Србија и Хрватска, како и претставници на Институтот Отворено општество (ИОО) од Будимпешта, како донатор на програмата.

Шеснаесет учесници од ромските организации Баирска светлина од Битола, Месечина од Гостивар, Тернипе од Делчево, Сумнал и Амбрела од Скопје и Здружението за мултикултурно општество и човекови права од Штип на 13 и 14 февруари 2013 година во Скопје учествуваат на работилница за подготовка на предлог проекти кои ќе бидат поднесени до Одделението за соработка со невладини организации при Генералниот секретаријат на Владата на Република Македонија.